Lluniau: Gwobrau'r Selar 2018

  • Cyhoeddwyd

Cafodd Gwobrau'r Selar ei gynnal nos Sadwrn, 17 Chwefror, gydag Yws Gwynedd yn hawlio'r penawdau ar ôl cipio pedair gwobr.

Ymhlith y rhai oedd yn perfformio yn Undeb Myfyrwyr Aberystwyth oedd Omaloma, Cadno, Adwaith, Pasta Hull, Serol Serol ac Yr Eira. Dyma i chi rai o'r uchafbwyntiau mewn lluniau:

Ffynhonnell y llun, Y Selar
Disgrifiad o’r llun,
Enillodd Yws Gwynedd a'i fand y wobr am y Record Hir Orau, y Fideo Gorau, y Gân Orau a'r Band Gorau
Ffynhonnell y llun, Y Selar
Disgrifiad o’r llun,
Y DJ Elan Evans oedd cyflwynydd y noson a gafodd ei chynnal yn Aberystwyth
Ffynhonnell y llun, Y Selar
Disgrifiad o’r llun,
Edrychwch ffordd yma! Y band ifanc o Gaerdydd, Cadno, enillodd y wobr am y Record Fer Orau
Ffynhonnell y llun, Y Selar
Disgrifiad o’r llun,
Y swynol Alys Williams enillodd yn y categori Artist Unigol Gorau, gan dderbyn ei gwobr gan y cyflwynydd Trystan Ellis-Morris
Ffynhonnell y llun, Y Selar
Disgrifiad o’r llun,
Ed Holden (neu Mr Phormula) ar y llwyfan gyda Band Pres Llareggub
Ffynhonnell y llun, Y Selar
Disgrifiad o’r llun,
Y band Gwilym enillodd yn y categori Band Neu Artist Newydd Gorau
Ffynhonnell y llun, Y Selar
Disgrifiad o’r llun,
Er iddyn nhw fethu ag ennill gwobr eleni, mae'r dyfodol yn ddisglair i'r grŵp pop seicadelig, Serol Serol
Ffynhonnell y llun, Y Selar
Disgrifiad o’r llun,
Heather Jones - enillydd y Wobr Cyfraniad Arbennig eleni - yn perfformio ar y nos Wener
Ffynhonnell y llun, Y Selar
Disgrifiad o’r llun,
Osian Williams (ar y dde), prif leisydd y band Candelas, yn derbyn ei wobr am yr Offerynnwr Gorau
Ffynhonnell y llun, Y Selar
Disgrifiad o’r llun,
Yr Eira gafodd y fraint o gloi'r noson gyda set aeth ymlaen i'r oriau mân... Ymlaen i 2019!

Yr enillwyr yn llawn...

Cân Orau: Drwy Dy Lygid Di - Yws Gwynedd

Digwyddiad Byw Gorau: Maes B

Gwaith Celf Gorau: Achw Met - Pasta Hull

Band Neu Artist Newydd Gorau: Gwilym

Hyrwyddwr Annibynnol Gorau: Clwb Ifor Bach

Record Fer Orau: Cadno - Cadno

Offerynnwr Gorau: Osian Williams

Record Hir Orau: Anrheoli - Yws Gwynedd

Cyflwynydd Gorau: Tudur Owen

Fideo Cerddoriaeth Gorau: Drwy Dy Lygaid Di - Yws Gwynedd

Artist Unigol Gorau: Alys Williams

Band Gorau: Yws Gwynedd

Gwobr Cyfraniad Arbennig: Heather Jones